ऐका माझ्या महाराष्ट्राची गाथा !

सह्याद्रीच्या कुशीमधुन स्वत: सूर्य दाखवितो वाटा,

दुष्काळ मिटवत वाहतात कृष्णे-गोदावरीच्या लाटा,

निसर्गच असा लिहितोय तो वैषम्यीक कथा, 

ऐका माझ्या महाराष्ट्राची अभिमानाने गाथा !

सप्तसिंधुच्या स्पर्शाने पवित्र होऊन रचली कहाणी,

पंढरीच्या दिशेने गुंजते माझ्या संतांची वाणी,

आई-भवाणीच्या चरणी नतमस्तक होतात माथा,

ऐका माझ्या महाराष्ट्राची उदात्तपणाने गाथा ! 

अन्यायाविरुद्ध छत्रपतींची तलवार माझ्या हाती,

स्वराज्याचे गुणगान गाणे माझीच मराठी माती,

महाराष्ट्रामुंळेच समृध्द झाल्या इतिहासातील कथा,

ऐका माझ्या महाराष्ट्राची अजिंक्य गाथा ! 

पश्चिमेस गिरीदूर्ग घेऊन उभाच आहे सह्याद्रीचा घाट,

दख्खनच्या पठाराने मांडला शत्रूच्या छाताडावरी थाट,

गनिमीकाव्याने निर्माण करतो शत्रूस आम्ही व्यथा,

ऐका माझ्या महाराष्ट्राची अजरामर ही गाथा !  

पावन पुण्यभूमीला, आमच्या शूर-क्षत्रियांना करितो वंदन,

ह्याच वीरांच्या विचारांनी ह्या भूमीत फुलले नंदन,

पुरातणीय असली जरी, तरी संस्कृतीवरी आहे आस्था,

ऐका माझ्या महाराष्ट्राची अद्वितीय गाथा ! 

महाराष्ट्रात येताच क्षितिजही बाळगतो अभिमान,

जगा देतोय आम्ही बंधुते-समतेचे साहित्यातून दान,

स्वराज्याचे बीज पेरितो आम्ही सर्वथा, 

ऐका माझ्या महाराष्ट्राची अभेद्य गाथा !

कवी - शिवम सत्यवान मद्रेवार.

(©️ सर्व हक्क संपादीत ) 

As per section 13 Copyright Act 1957  (Copyright Amendment Act 2012), the author or creator of the work is the first owner of copyright.