खरंच, प्रत्येक पानावर स्वप्न लिहीली आहेत !

खरंच, प्रत्येक पानावर स्वप्न लिहीली आहेत !

शिवारात पिकलेले ज्वारी टोकदार चोचीने वेचतात,

पंखांच्या सहाय्याने खोडकर नभाला बोलून येतात,

साहित्याच्या जगात विहंगाचे वेगळेच खंड आहेत,

खरंच, प्रत्येक पानावर स्वप्ने लिहीले आहेत !

फुलांवरती बसुन सकाळच बहरून टाकतात,

धरतीमातेची शोभा ते वेगवेगळ्या रंगांनी भरतात,

पुस्तकांमध्ये इंद्रधनुष्य म्हणुन फुलपाखरांना संबोधले आहेत,

खरंच, प्रत्येक पानावर स्वप्ने लिहीले आहेत !

हिवाळ्यात गुलाबी ठंडीला आमंत्रित करतात,

साध्या असा गवताच्या पात्याचे सौंदर्य वाढवतात,

प्रत्येक ओळी-ओळींमध्ये दवबिंदू चमकले आहेत,

खरंच, प्रत्येक पानावर स्वप्ने लिहीले आहेत !

समुद्रकिणारी सरळ तर डोंगरमाथ्यावर नागमोडी असतात,

जीवनाची वाट चुकलेल्याला आशेची वाट दाखवितात,

तसे पाहता वाट सुध्दा पुस्तकातील पात्रे आहेत,

खरंच, प्रत्येक पानावर स्वप्ने लिहीले आहेत !

दुरवरचा प्रवास साकारून येतात व प्रत्येकाला जीवनदान देतात,

भेदभाव मिटवण्याचे जीवंत उदाहरणे शिकवतात,

सगळ्याच पुस्तकांमध्ये त्यांचे वर्णन लेखकाने केले आहेत,

खरंच, प्रत्येक पानावर स्वप्ने लिहीले आहेत !

सुर्य असो वा चंद्र, काळ्या नभांसोबतही मैत्री करतात,

पक्षीसुध्दा घरच्या वाटा त्यांनाच विचारतात,

अनेक स्वप्नांच्या वाटा त्यांच्या थेंबांनी दाखविले आहेत,

खरंच, प्रत्येक पानावर स्वप्ने लिहीले आहेत !

निसर्गात आल्यावर सर्व शब्द ओळखीचे वाटतात,

अनोळखी अनुभव विस्तृत पणे समजाऊन सांगतात,

पुस्तकांमध्येही स्वप्ने त्या शब्दांमध्ये लपली आहेत,

खरंच, प्रत्येक पानावर स्वप्ने लिहीले आहेत !

क्षणोक्षणी त्यांची किंमत सर्वच मोजतात,

ध्येयवेडे सर्वश्रेष्ठ गुरू म्हणुन त्यास पुजतात,

वेळेमुळेच साहित्य विचार जीवंतपणे मांडत आहेत,

खरंच, प्रत्येक पानावर स्वप्ने लिहीले आहेत !

स्वप्न, स्वप्न, स्वप्न; स्वप्न काय असतात,

रात्रीची झोप उडवून डोळ्यांसमोर चित्र रंगवतात,

तसे पाहता, डॅा.कलाम स्वप्नवेड्याचे मार्गदर्शक आहेत,

बदलणाऱ्या प्रत्येक दिवसाच्या पानावरती स्वप्ने लिहीली आहेत...!

कवी - शिवम सत्यवान मद्रेवार.

(©️ सर्व हक्क संपादीत ) 

As per section 13 Copyright Act 1957  (Copyright Amendment Act 2012), the author or creator of the work is the first owner of copyright.