पात्रांच्या दुनियेत हरवताना...

पात्रांच्या दुनियेत हरवताना...

झाडांचे किती पुण्य ते कळी मधुन जन्म घेतात,

पहाटेचा सुर्य दिसताच, पहिला प्रणाम ते करतात,

कोमजतात फुले दुसऱ्याचे रुप-सौंदर्य वाढवताना,

दुःख होते फुलांना; पात्रांच्या दुनियेत हरवताना !

काहीच वाटत नाही तिला डोंगर-दऱ्यातुन मार्ग शोधताना,

अन्याय कधीच करत नाही सर्वांना जल अर्पन करताना,

रडतात नद्या, जुलमी मानवाचे पाप स्वत: धुवताना,

दुःख होते नदीला, पात्रांच्या दुनियेत हरवताना !

प्रत्येक ऋतुंना वेळोवेळी आमंत्रणे पाठवतात,

अन्याय पाहताना, सर्वांवर क्रोध व्यक्त करतात,

मावळतो सुर्य, अज्ञानाचे राज्य चोहिकडे पसरताना,

दुःख होते सुर्याला, पात्रांच्या दुनियेत हरवताना !

आवारात लहाणांना अंगाई गीत गाऊन झोपावतात,

ह्रदयाला जोडणारे प्रेमाचे मार्ग त्याच्यामुळेच बनतात,

काळखतो चंद्र, प्रेमामधील प्रकाश मिटताना,

दुःख होते चंद्राला, पात्रांच्या दुनियेत हरवताना !

पाहताच त्यांच्याकडे शेतकऱ्याचे डोळे दाटुन येतात,

ओल्या मातीचा वास घेताच, बीजातुन कोंब डोकाऊन पाहतात,

गरजतात नभ, पोरक्या निर्सगाची व्यथा मांडताना,

दुःख होते नभाला, पात्रांच्या दुनियेत हरवताना !

आंब्याच्या वनापासून तृणाच्या पात्यापर्यंत सर्व वाट पाहतात,

पहिल्या पाऊसात त्यांचा थाट कवितेतून सांगतात,

थकतात मोर, बरसत्या थेंबांची जत्रा पाहताना,

दुःख होते मोराला, पात्रांच्या दुनियेत हरवताना !

खुप कमी वयामध्ये खुप काही शिकवतात,

लहान वयातच संपुर्ण जगभ्रमंती करतात,

दुरावतात शब्द, असत्याला मानाने आलिंगन देताना,

दुःख होते शब्दांना, पात्रांच्या दुनियेत हरवताना !

प्रियकर-प्रेयसीला ते खुप जवळ आणतात,

रक्ताचे नसले तरी शब्दांचे नाते ते जोडतात,

रडतात भावना, स्वत:बद्दलच इतिहास सांगताना,

दुःख होते भावनांना, पात्रांच्या दुनियेत हरवताना !

तोफ-बंदुकांचे युध्द ते काहीच ओळींमध्ये संपवतात,

साहित्यकार सदैव ह्रदयाजवळ तीला ठेवतात,

मोडतात लेखण्या, सराईत गुन्हेगाराला फाशी देताना,

दुःख होते लेखणील, पात्राच्या दुनियेत हरवताना !

काही पात्रे नाटकामध्येच अनोखे नाटके रचतात,

अक्षरक्ष: पात्रांना अनाथ करुनच मोकळा श्वास घेतात,

विसरली जातात पात्रे, खऱ्या जीवनात नाटक करताना,

दुःख होते स्वत: पात्रांना, पात्रांच्या दुनियेत हरवताना !

कवी - शिवम सत्यवान मद्रेवार.

(©️ सर्व हक्क संपादीत ) 

As per section 13 Copyright Act 1957  (Copyright Amendment Act 2012), the author or creator of the work is the first owner of copyright.